البرنامج التاني

فكرتك في دماغك.
خلّيها لينك شغّال.

من غير ما تكتب كود بإيدك، ومن غير ما تستنى حد يبنيلك. بتختار مشكلة واحدة، تبني أصغر نسخة تثبتها، وتطلّقها على الإنترنت — وكل أسبوع بيخلص وفي إيدك حاجة تعرضها.

انضم لقائمة الانتظار شوف الـ4 أسابيع

يبدأ بعد برنامج المصممين بأسبوعين. المقاعد 12–15 مقعد · سعر الدفعة التأسيسية لحد ١ ديسمبر ٢٠٢٦.

4 أسابيعلايف، على مشروعك
3 شهورعضوية XPR معاها
4,500جنيه · بدل 6,900
AI Workflow · مثال

عايز صفحة حجز لمدرب: الناس تشوف المواعيد وتحجز.

  1. كتبت الـuser flow في 5 خطوات
  2. بنيت الواجهة بالعربي
  3. ربطت الحجوزات بقاعدة بيانات
  4. نشرتها على لينك

وإنت بتجرّبها مع 5 مستخدمين

من شخص عنده فكرة، لـbuilder يقدر يحدد MVP، يبنيه، ويطلّق نسخة حقيقية.
01 / هتخرج بإيه؟

حاجة تقدر تبعت
لينكها لحد.

MVP شغّال + صفحة تعريف بسيطة + خطة أول اختبار مع مستخدمين.

هتبني إيه على طول البرنامج؟
  • لينك تبعته لحد النهاردة — منتجك منشور على Vercel
  • المشروع باسمك إنت — الكود على GitHub، مش عندنا
  • حاجة الناس تجربها، مش تتفرج عليها — MVP بتختبره مع ناس حقيقيين
  • منتجك يفتكر — بيانات مخزّنة على Supabase لو مشروعك محتاج
02 / الوقفة

جرّبت قبل كده.
ووقفت في نفس المكان.

لو بنيت حاجة بالـAI قبل كده، غالبًا عدّيت بواحدة من دول.

اللي ناقص مش أداة تانية. دي طريقة تعرف بيها تبدأ منين، وتطلب إيه بالظبط، وتتأكد إزاي من اللي طلع قبل ما تبني فوقه.

03 / لمين؟

البرنامج ده معمول
لناس بعينها.

لأصحاب الأفكار من غير خلفية تقنية.

عندك فكرة ومش تقني

فكرة منتج أو مشروع، ومش عارف تبدأ منين.

مصمم أو مبدع

عايز تحوّل تصميمك لحاجة شغالة بدل ما تفضل تسلّم ملفات.

تعبت من الـAI العشوائي

جرّبت أدوات كتير ونتايجها مش ثابتة.

خلصت tutorials كتير

وعايز تبني حاجة بنفسك أخيرًا.

مش مناسب لك لو:
  • بتدوّر على مكتبة prompts جاهزة تنسخ منها وخلاص.
  • عايز شهادة من غير تطبيق.
  • محتاج تتعلم برمجة من الجذور. هنا بتبني من غير ما تكتب كود بإيدك.
الوعد هنا MVP محدود وقابل للاختبار، مش «ابنِ أي تطبيق كامل من غير كود». هنتكلم بصراحة عن حدود الأدوات وجودة اللي بتطلعه — وفيه أسبوع كامل مخصص للحظة اللي AI Studio يقف فيها، وتعرف تعمل إيه بعدها.
04 / الأدوات

مش هنلف على أدوات.
كل أداة ليها شغلانة.

الأدوات بتظهر لما شغلك يحتاجها، مش في محاضرة لوحدها. دي الشغلانات، وكل واحدة بأداتها.

أدوات البرنامج
  • Google AI Studio
  • Notion
  • Linear
  • Lovable
  • Supabase
  • GitHub
  • Vercel
  • VS Code
  • Claude Code
  • Codex

تفكّر وتحدّد

Google AI Studio · Notion

تطلع من التيه بفكرة محددة. تجرّب وتختبر الـprompts، وتكتب الـbrief والـKnowledge File اللي هيشتغل عليه الباقي — في Notion بتاعك إنت، مش نسخة من بتاعنا.

تخطّط

Linear

مش هتتلخبط وإنت بتبني. تقسّم المنتج لـfeature blocks صغيرة وتمشي حاجة ورا حاجة. هتشوف أحمد شغال على الـsetup بتاعه، وتعمل واحد بتاعك إنت.

تبني

Google AI Studio · Lovable

مش هتكتب كود بإيدك ولا سطر. الـMVP نفسه من المتصفح — مفيش terminal ومفيش setup، بتوصف وتظبّط وتشوف النتيجة قدامك. البرنامج ماشي على AI Studio، وLovable باب تاني بتبدأ منه بنفس الطريقة — تلاتة من المنتجات اللي تحت بدأوا عليه.

تخزّن

Supabase

منتجك يفتكر. بيانات حقيقية مخزّنة وتسجيل دخول لو مشروعك محتاجه — ده الفرق بين حاجة بيتفرجوا عليها وحاجة بيجربوها.

تطلّق

GitHub · Vercel

يبقى معاك لينك تبعته لحد. تصدّر المشروع من AI Studio لـGitHub وتنشره على Vercel، والكود باسمك إنت.

تكمّل لما الأداة تقف

VS Code · Claude Code · Codex

لما الأداة تقف، إنت مش بتقف. تنزّل VS Code وتشغّل جواه Claude Code أو Codex، وتعدّي النقطة اللي AI Studio وقف عندها. الوكيل هو اللي بيكتب، إنت اللي بتقرر.

05 / الطريقة

مش جدول بتخلّصه.
دي طريقة بتفضل معاك.

أربع خطوات بتلفّ عليها مع كل ميزة — وبعد البرنامج بتفضل بتلفّ عليها لوحدك.

  1. وضّح

    تحدد المشكلة، ومين اللي هيستخدمها، وأصغر نسخة تثبت إنها بتشتغل.

    فكرة تقدر تشرحها في سطرين

  2. جهّز السياق

    تكتب الـbrief وملفات السياق، فالأداة تبقى عارفة بتبني إيه ولمين قبل ما تبدأ.

    أداة شغالة بسياق، مش بتخمّن

  3. ابنِ وراجع

    تبني ميزة واحدة، تجرّبها بنفسك، وتحكم عليها قبل ما تبني فوقها.

    ميزة اتأكدت منها بإيدك

  4. طلّق واتعلم

    تنشرها، تحطها قدام ناس، وتحوّل ملاحظاتهم لميزة اللي بعدها.

    نسخة في إيد ناس حقيقيين

الأربع أسابيع بتمشّيك في الدايرة دي أول مرة على مشروعك إنت. بعد ما تخلص، الدايرة بتفضل بتاعتك — تلفّ عليها في أي مشروع جاي.
06 / الـ4 أسابيع

كل أسبوع له نتيجة.
مش بس درس.

المحتوى قصير، والتمرين أسبوعي على مشروعك أنت. آخر كل أسبوع بيبقى معاك حاجة تعرضها وتاخد عليها رأي.

01

المشكلة، الجمهور، والنطاق

Product brief في صفحة واحدة

بتذاكر معاه: المقدمة · التفكير والتخطيط

02

الـspec، الـflow، واختيار الأدوات

User flow + خطة بناء

بتذاكر معاه: التفكير والتخطيط · البناء في AI Studio

03

البناء، البيانات، والتعديل

MVP شغّال v0.1

بتذاكر معاه: البناء في AI Studio · البيانات (Supabase)

04

الاختبار، التلميع، والإطلاق

MVP منشور + post إطلاق

بتذاكر معاه: النشر (GitHub وVercel) · لما AI Studio يقف · النهاية

07 / المنهج

ابني منتجات رقمية بالذكاء الاصطناعي

من الفكرة لحد منتج شغال ومنشور على الإنترنت، من غير ما تكتب كود بإيدك. الكورس ده جزء من البرنامج، وبتذاكره في وقتك جنب الجلسات.

  1. مقدمة وهيكل الكورسفيديو
  2. ابني من غير ما تكتب كود بإيدكفيديو
  3. المعاناة مع الـAI (AI Fatigue)فيديو
  4. نماذج حقيقيةفيديو
  5. دورة تطوير البرمجيات (SDLC)فيديو
  6. أفضل موديلات الـAIفيديو
  7. أدوات البرنامج ومين فيهم بيعمل إيهفيديو

  1. Prompting Frameworksفيديو
  2. Google AI Studio: من الفكرة لـprototypeفيديو
  3. Notion: الـProduct Brief والـKnowledge Fileفيديو
  4. Linear: تقسيم المنتج لـFeature Blocksفيديو
  5. Devil's Advocate: جرّب تكسر الفكرةفيديو

  1. يلا نبنيفيديو
  2. السيرة الذاتية لموقع ويبفيديو
  3. ابني موقعكتمرين
  4. استخدام الـDesign Systemsفيديو
  5. استخدام مكتبات الحركة (Motion)فيديو
  6. Loop Engineeringفيديو
  7. الـDebugging والتحسين زي المحترفينفيديو

  1. إمتى مشروعك يحتاج databaseفيديو
  2. جداول وبيانات حقيقيةفيديو
  3. تسجيل الدخول (Auth) لو مشروعك محتاجهفيديو
  4. اربط تطبيقك ببياناتهتمرين

  1. من AI Studio لـGitHubفيديو
  2. النشر على Vercelفيديو
  3. الـAPI keys والـenvironment variablesفيديو

  1. حدود الأداة: إمتى تحتاج تطلع لفوقفيديو
  2. VS Code: المكان اللي الوكيل بيشتغل فيهفيديو
  3. Claude Code: وكيل بيشتغل في المشروع نفسهفيديو
  4. Codex: نفس الفكرة، تجربة مختلفةفيديو
  5. نزّل واحد فيهم وعدّي تعديل على مشروعكتمرين
  6. Skillsفيديو

  1. الخطوة الجاية بعد الـMVPفيديو
  2. الهديةفيديو

المحتوى لسه بيتسجّل، والعناوين ممكن تتعدّل قبل ما الدفعة تبدأ.

08 / الكورسات

محتوى بتذاكره في وقتك.
جنب الجلسات، مش بدالها.

كل كورس فيهم جزء من البرنامج، وبيجي معاه. اللي ليه صفحة تقدر تفتحها وتشوف تفاصيله.

الكورسات دي لسه بتتسجّل، والعناوين ممكن تتعدّل قبل ما الدفعة تبدأ.

09 / إيه اللي محتاجه منك

مش محتاج تشتري
حاجة زيادة.

أدوات البرنامج كلها بتفتح بحسابات مجانية تكفي مشروع في حجم الـMVP. اللي بتدفعه هو سعر البرنامج، وخلاص.

لابتوب ومتصفح

مش محتاج جهاز قوي ولا برامج تتثبت. كل اللي هتشتغل عليه بيفتح من المتصفح.

اللي معاك

حسابات أدوات البرنامج

الطريق الأساسي كله مجاني. Google AI Studio وGitHub وVercel وSupabase وNotion وLinear كلهم بيفتحوا بحساب مجاني يكفي مشروع في حجم الـMVP.

مجاني

VS Code وواحد من الوكلاء

VS Code مجاني، وهو المكان اللي Claude Code أو Codex بيشتغل جواه. الوكيل نفسه أداة مدفوعة، والاشتراك بيخلّي الشغل أريح — بس الـMVP بيتقفل في AI Studio، فمفيش حد بيقف لأنه مشتركش.

VS Code مجاني · الوكيل مدفوع ومش شرط

فكرة مشروع واحدة

مش لازم تكون مظبوطة، وده مش شرط عليك. أول أسبوع شغله إننا نضيّق الفكرة لحاجة تتبني في أربع أسابيع.

بتيجي معاك
10 / التجربة

دفعة صغيرة
بتشتغل مع بعض.

الأسئلة والمراجعات بتكون على شغلك أنت، مش على مثال عام.

الدفعة التأسيسية

كل الجلسات لايف

أول دورة بتتقدّم لايف مع أحمد فارس، والجلسات بتتسجّل وتفضل متاحة لك.

الدفعات اللي بعدها

محتوى متسجّل + office hours لايف

الجلسات المسجّلة من الدفعة الأولى، ومعاها office hours لايف كل أسبوع على شغلك أنت.

01

Orientation واحدة

البرنامجين بيبدأوا من نفس المكان، وبتعرف زمايلك من أول يوم.

02

Feed مشترك

المصمم والـbuilder بيتقابلوا في البناء والـfeedback، مش كل واحد لوحده.

03

Show Your Work

مساحة أسبوعية تعرض فيها اللي بنيته وتاخد عليه رأي محدد.

04

جلسة شهرية مع ضيف

The Becoming Session — ممارس عربي بيحكي إزاي بيشتغل فعلًا.

أحمد فارس، Product Designer · Educator · Mentor
Ahmed FarisProduct Designer · Educator · Mentor
11 / مع أحمد فارس

بيبني بنفس الأدوات دي.
مش بيتكلم عنها بس.

أنا أحمد فارس، Senior Product Designer في Teracloud. اشتغلت على منتجات معقدة مع فرق Engineering وQA، وعلى Design Systems وتجارب محتاجة قرارات واضحة وقابلة للتنفيذ.

في البرنامج ده الجلسات بتبقى على مشروعك أنت: نبص على اللي الأداة طلّعته، نحكم عليه، ونقرر نكمل بيه ولا نغيّره. والأسئلة اللي بنسألها هي نفس أسئلة شغل المنتجات — مين هيستخدم ده؟ وإيه أصغر حاجة تثبت إنه بيشتغل؟

Complex productsDesign systemsAI prototypingProduct scoping
12 / منتجات شغالة

منتجات شغالة فعلاً.
افتحها وجرّبها بنفسك.

منتجات أحمد بناها وطلّقها بالـAI، بنفس الأدوات اللي في البرنامج: اتنين بـGoogle AI Studio، وتلاتة بدأوا على Lovable وكمّلوا بـClaude Code، وواحد بـClaude Code لوحده.

  1. WNDRai

    تعرف محتاج تأشيرة ولا لأ، من غير ما تلف على عشر مواقع.

    تختار جواز سفرك والوجهة، ويطلعلك متطلبات التأشيرة والجواز والصحة في ثواني، ومعاها لينكات للمصادر الرسمية تتأكد منها بنفسك.

    • Google AI Studio
    افتح المنتج

  2. Batotaبطوطة

    تلاقي تجربة محلية حقيقية من منظّم موثوق، مش إعلان.

    أول منصة عربية للتجارب: تحجز جولات وورش ومغامرات مع منظّمين موثوقين في أكتر من ٢٠ مدينة.

    • Lovable
    • Claude Code
    افتح المنتج

  3. V-Thesisأطروحتك بالفيديو

    البحث العلمي بيقف عند الرف بدل ما يوصل للصناعة.

    منصة بتربط الباحثين المصريين بالمستثمرين والشركات، وبتحوّل الأبحاث لفرص حقيقية عن طريق التمويل الجماعي والدعم.

    • Lovable
    • Claude Code
    افتح المنتج

  4. Cairo Historic Explorer

    تمشي في القاهرة التاريخية وإنت عارف إنت بتبص على إيه.

    مستكشف لمعالم القاهرة التاريخية، بيدّيك سياق المكان وإنت واقف قدامه.

    • Google AI Studio
    افتح المنتج اقرا القصة

  5. WealthLens

    تتابع ديونك وتخطّط لفلوسك من غير شيتات.

    أدوات لتتبّع الديون وبناء خطة مالية، خطوة ورا خطوة بدل ما تبص على الرقم الكبير وتقفل.

    • Lovable
    • Claude Code
    افتح المنتج

  6. Al Mejarraالمجرة

    مساحة شغل شغّالة من 2014 ومحتاجة موقع يشبهها.

    إعادة بناء كاملة لموقع أول مساحة عمل مشتركة في الشرقية: المساحات والباقات والمجتمع والحجز، من أول وجديد.

    • Claude Code
    افتح المنتج
01 / 06
13 / قبل ما تقرر

أسئلة من حقك
تعرف إجابتها.

لأ. البناء كله في Google AI Studio من المتصفح، بتوصف اللي عايزه وتظبّطه. هتشوف كود على الشاشة وهتقابل errors — ده طبيعي وجزء من الشغل — بس مش هتتعلم تكتبه بإيدك، ومش محتاج تعرف.

الطريق الأساسي كله مجاني: AI Studio وGitHub وVercel وSupabase وNotion وLinear بيفتحوا بحسابات مجانية تكفي مشروع في حجم الـMVP، وVS Code مجاني كمان. الأدوات المدفوعة تلاتة: Claude Code وCodex — هتشتغل بواحد فيهم بإيدك في آخر البرنامج، والاشتراك بيخلّي الشغل أريح — وLovable، وده ليه خطة مجانية تجرّب بيها (٥ كريدت في اليوم، بحد أقصى ٣٠ في الشهر) تكفي إنك تشوف الأداة، مش إنك تقفل بيها MVP. ولا واحدة من التلاتة شرط: الـMVP بيتقفل في AI Studio.

كل الجلسات بتتسجّل، والمحتوى قصير وبتذاكره في وقتك. والعضوية 3 شهور، يعني بعد ما الأربع أسابيع تخلص لسه قدامك وقت تكمّل مشروعك وتسأل جوه المجتمع.

MVP شغّال ومنشور على لينك، الكود بتاعه على GitHub باسمك، وخطة أول اختبار مع ناس حقيقيين. المشروع مشروعك — مفيش حاجة مربوطة بينا بعد البرنامج.

لأ، ده شغل الأسبوع الأول نفسه: نضيّق الفكرة لمشكلة واحدة وجمهور واحد وأصغر نسخة تثبتها. اللي محتاجه إنك تيجي بفكرة، مش بفكرة جاهزة.

دي حالة متوقعة، وفيه قسم كامل في المنهج عنها. هتعرف تفرق بين «الأداة محتاجة توصيف أحسن» و«الأداة وصلت لسقفها»، وهتفتح مشروعك في VS Code بـClaude Code أو Codex وتعدّي النقطة دي بإيدك.

ليك استرداد كامل خلال 14 يوم من الدفع، من غير أسئلة. ابعت على hello@xprcommunity.com بالإيميل اللي حجزت بيه، وبنرجّعلك المبلغ بنفس طريقة التحويل.
14 / آراء

آراء حقيقية
من ناس اشتغلت مع أحمد

دي مراجعات منشورة لجلسات مينتورينج مع أحمد، مش للبرنامج ده — الدفعة التأسيسية لسه مبدأتش.

اقرأ المراجعات في مكانها:ADPList

15 / معاك مع البرنامج

حاجات تفضل معاك
بعد آخر جلسة.

جاهزة من أول يوم، وتعدّلها على مشروعك إنت.

مكتبة prompts للبناء

من تصغير الفكرة لحد مراجعة الأمان، مرتبة حسب مرحلة المشروع.

Template للـMVP brief

صفحة واحدة: المشكلة، المستخدم، أصغر نسخة، وإزاي تعرف إنها نجحت.

Supabase starter

جداول وقواعد صلاحيات (RLS) جاهزة لأشهر الحالات، تبدأ منها بدل الصفر.

كتب XPR الأربعة

Lovable وSupabase + Vercel وClaude Code والـprompts. متاحة مجانًا للكل كمان.

الدفعة التأسيسية

Build Products with AI

4 أسابيع لايف مع أحمد فارسمش هتعطّل لوحدك
3 كورسات في مكتبة XPRتفتح معاك من أول يوم، وتفضل معاك بعد ما البرنامج يخلص
تمرين أسبوعي على مشروعككل أسبوع بيخلص وفي إيدك نتيجة
الستاك كامل: AI Studio وSupabase وGitHub وVercel وNotion وLinear وVS Code مع Claude Code أو Codexمش هتضيّع وقت تدوّر على الأداة الصح
صفحة تعريف بمنتجك وخطة أول اختبارحاجة تعرضها على الناس
3 شهور عضوية في مجتمع XPRالبرنامج بيخلص والمشروع لسه ماشي
تسجيلات كل الجلساتلو اتأخرت أسبوع تقدر تلحق
6,900وفّر 35%
4,500جنيه

السعر بعد الدفعة التأسيسية

يبدأ بعد برنامج المصممين بأسبوعين.

استرداد كامل خلال 14 يوم من الدفع، من غير أسئلة.

انضم لقائمة الانتظار
16 / إزاي تحجز

الحجز بالتحويل.
وبنأكدلك بنفسنا.

مفيش خصم أوتوماتيك من أي كارت. بتحوّل بإنستا باي أو محفظتك، بترفع صورة التحويل، وإحنا بنراجعها ونبعتلك دعوة Brainsmingle خلال ٢٤ ساعة.

01

حوّل واتأكد

تملأ الفورم وترفع صورة التحويل.

02

توصلك دعوة XPR

خلال ٢٤ ساعة على الإيميل اللي كتبته.

03

تبدأ من Orientation

تعرّف بنفسك، تحدد هدفك، وتبدأ أول أسبوع.

مش متأكد ده برنامجك؟ شوف AI for Product Designers

هدية مجانية

لسه مش جاهز؟ ابدأ بكتاب مجاني.

كتاب PDF بالعربي عن أداة واحدة، خطوة بخطوة. بيوصلك على الإيميل.

كل الموارد المجانية
Build Products with AI4,500 جنيهانضم لقائمة الانتظار